2 Fevereiru, 2018: Local Empreza ki’ik nebe Mak Manan Iha Kompetisaun OBI

2 Fevereiru, 2018: Local Empreza ki’ik nebe Mak Manan Iha Kompetisaun OBI

Ohin dia 2 de Fevereiru Secretaria Regional para assuntu Turismu Comunitariu entrega premiu ka certificado ba manan nain sira iha kompetisaun husi OBI.

Programa OBI (Bisnis inkubator iha Oecusse) husi Secretaria Regional para assuntu Turismu Comunitariu ho inisiativo no objetivu atu suporta desenvolvimentu husi inovativu negosiu iha RAEOA ZEESM-TL.

Iha dia 11-12 desembru 2017, programa incubator iha area industrias hala’o Kompetisaun planu negosiu iha oe-cusse ba grupu produsaun hamutuk ruanulu resin hat (24) (103 negosiu – 65F/42M). Entre representante empresariu sira hanesan: transforma tais, jarga, artezenatu, sanan rai, mina nu, tahu (tofu), naan maran, alfaiate, carpintaria (halo Kaixaun), no guia mata dalan. Grupu hotu-hotu apresenta sira nia ideas negosiu no halo evaluasaun hamutuk ho ekipa evaluasaun. Entre 24 grupus, nebe grupu sanulu deit mak liu tuir kriteriu selesaun, no grupu hirak ne’e sei hetan ka simu material hanesan, equipamentus, tecniku treinamentu atu kapasita diak liu tan kona ba qualidade no deseñu tuir sira nia skala produtu. Iha dia 2 fevereiru, halo selesaun ba grupu negosiu sanulu mak sai manan nain nebe sira simu sertificadu husi assuntu Presidente Autoridade rekoñese qualidade husi sira nia idea negosiu. Iha tempu hanesan, grupu negosiu na’in tolu halo apresentasaun ba audensia kona ba sira nia idea negosiu nebe grupu refere hetan melhor klasifikasaun, mak hanesan tuir mai ne’e: Dendeng Sapi (naan maran), Amsila I, (homan) no Bintang Lifau (artezenatu halo husi fatuk tasi). Programa tuir mai, ekipa husi OBI sei hahú hala’o konsultasaun no monitorizasaun ba grupus selesionadus, oinsá utilizasaun ba equipamentus hodi haklean tan koñesimentu ba kualidade negosiu.