18 Outubro, 2017: Presidente Autoridade RAEOA – ZEESM TL em Substituição Oficialmente loke eventu dahuluk Agro-Expo iha RAEOA

18 Outubro, 2017: Presidente Autoridade RAEOA – ZEESM TL em Substituição Oficialmente loke eventu dahuluk Agro-Expo iha RAEOA

Prezidente Autoridade RAEOA e ZEESM-TL em Substituição S.E. Arsenio Paixão Bano. Oficialmente loke abertura ba eventu dahuluk Agro-Expo iha Hau-Holok, Tula’ica, Lifau, Pante-Macassar, RAEOA. Partisipantes husi :
1. Sr. Pedro de Sousa Xavier, Secretario Rejional ba asuntu Ordenamentu no Cadastru.
2. Sr. Firman Ama Sejati, Councelor KBRI iha RAEOA.
3. Sra. Lucia Taeki, Secretario Rejional ba asuntu Saude.
4. Sr. Francisco Jeronimo, Konsuladu Timor-Leste iha Kupang NTT ne’ebe Representa Koperasaun tomak maka ohin loron mai partisipa hamutuk iha fatin Ex-po.
5. Mebru sira husi PNTL no F-FDTL ne’ebe representa instituisaun estadu ne’ebe hala’o nia knaar iha RAEOA.
6. Senhores sira husi 30 Expozitores.
7. Diretures, Xefe Departementus, Xefe Seksoens no Membru staff funsionariu sira iha RAEOA.
8. Xefe do Sucos, Parseirus dezemvolvimentu tomak no Komunidades husi 18 sukus.

Iha Eventu ne’e! Xefe suku Lifau Sr. Crisantos Colo, hato’o vembindo ba partisipantes tomak nebe mai partisipa iha eventu refere ho esperansa katak buat hotu bele la’o ho diak no susesu to’o iha loron 24 de Outubro de 2017.

Iha Fatin hanesan! Secretario Rejional ba asuntu Agrikultur no Dezemvolvimentu Rural Sr. Regio da Cruz salu. Hato’o introdusaun badak katak Guvernu Autoridade iha obrigasaun atu hatudu Agrikultor sira hanesan agrikultores hatudu ba Autoridade RAEOA. Agro-Expo sei realiza tinan rua (2) dala ida. Tamba, tinan rua (2) ita sei konta historia konaba progresu la’os konta historia fila fali ba kotuk, tamba Dr. Marii Alkatiri fo ona exercicio ba membrus Autoridade tomak atu hatudu mudansa iha durasaun tempo tinan 2. Hanesan fatin Agro-Expo ba Agrikultores sira ne’e la’os ema deit mak iha, maibe Bibi ho Karau mos iha hotu. Ho rasaun seluk mos katak, 70% Povu RAEOA subsistensia nia moris husi Agrikultura.

Prezidente Autoridade RAEOA – ZEESM TL em Aubstituisaun S.E Arsenio Bano, hato’o ninia intervensaun depois de loke abertura. Hateten katak nia (S.E Arsenio Bano) apresia tebes ba team no ekipa tomak nebe maka hala’o servisu maka’as atu halibur ita hotu. Nia hatutan tan katak Agro-Expo nee importante teb-tebes tamba : Primeiro, aproveita oportunidade atu promove produtu lokal sira e depois uza opportunidade sira nee atu halo grupo sira hodi aprende ba malu katak grupo ida aprende husi grupo ida seluk. Segundu, promove ba ita aan rasik. Povu RAEOA tenki gosta no konhese ita nia produtu rasik hanesan Kurrida kuda no seluk tan ho intensaun atu promove saida maka ita nia komunidade sira halo. Depois nia mos hatutan tan katak ‘’ohin ita halo Agro-Expo iha fatin holok-Hau hau hare partisipantes barak los. Ida nee hatudu katak iha duni mudansa ba movimentu komunidade sira husi mota sorin hakat ba-mai tuir Ponte-Noefefan’’

Irene Argud and Amisto Pinto