24 Outubru, 2017: Presidente Autoridade RAEOA – ZEESM TL, em substituisaun, oficialmente taka eventu AGRO-EXPO Oé-Cusse 2017

24 Outubru, 2017: Presidente Autoridade RAEOA – ZEESM TL, em substituisaun, oficialmente taka eventu AGRO-EXPO Oé-Cusse 2017

Iha loron 24 Outubru 2017 lokraik, Presidente Autoridade RAEOA – ZEESM TL, Sr. Arsenio Paixão Bano, substituisaun, ofisialmente taka eventu AGRO-EXPO 2017 Oé-Cusse Ambeno, iha Holokhau-Tulaika Lifau, Pante-Makassar. Eventu Agro-Expo 2017 lao durante loron sanulu resin ida (14 to’o loron 24 outubru 2017) ne’e, nudar eventu ida atu promove agrikultor sira iha Rejiaun Oé-Cusse. Iha programa eventu nian mak hanesan Sertamen, Expozisaun, Seminariu no inklui kompetisaun Kurida Kuda ka Halai Taru kuda, atu nune’e povo Oé-Cusse iha orgullu atu promove rai Oé-Cusse. Agro-Expo 2017 Oé-Cusse foin dahuluk halao ne’e organiza husi Autoridade RAEOA no tuir planu sei hala’o kada tinan rua dala ida. Iha eventu ne’e mos hetan partisipa husi Membrus Autoridade RAEOA – ZEESM TL, Autoridade Lokal, Direitores Rejionais, Xefe Departementus Rejionais, no Representante husi PNTL, F-FDTL Expozitores, kompetitores no partesipantes.

Sekretariu Rejinaol Agrikultura Dezenvovimentu Rural, Regio da Cruz Salu hatete objetivu husi eventu ne’e atu povu hatudu ninia produtu rasik, tanba tinan ida ne’e menus apresentasaun produtus valor agregadus hanesan ‘Trade Invest’ hatudu. Hein katak tinan rua mai (2019) iha Eventu Agro-Expo 2019 ba daruak, sei hatudu liu maka produtus husi industrias prosesamnetus valor agregadus.

Sr. Arsenio Bano, Presidente Autoridade subtituisaun iha ninian diskursu hato’o kumprimentus barak husi S.E. Dr. Mari Alkatiri, Primeiru-Ministru RDTL. Ho inisiativu no hanoin sira ne’e Oé-Cusse agora sai nabilan, dezenvolvimentu bele lao ho neneik maibe mudansa ba oin nafatin, no povu Oé-Cusse mos akompanhia no ajuda atu halao dezenvolvimentu iha Rejiaun Administrativa Espesial Oé-Cusse Ambeno.