27 junhu 2018: Feto sira husi Oé-Silo simu treinamentu kona-bá oinsa halo babetes uza Tais

27 junhu 2018: Feto sira husi Oé-Silo simu treinamentu kona-bá oinsa halo babetes uza Tais

Treinamentu ida ne’e ho objetivu atu diversifika produsaun Tais, liu husi produz produtu sira seluk ne’ebé bele fa’an ba turista sira.

 

Iha sábadu loron 23 fulan Juñu liu-bá, feto nain hitu husi grupu Feto Fitun Fronteira husi suku Bobometo – Oé-Silo simu treinamentu kona-bá oinsa halo babetes uza Tais. Treinamentu ida ne’e, fó voluntariamente husi Profesora Portugeza, Sofia Ameixa Graça no koordena husi Sekretaria Rejionál ba Turizmu Komunitáriu iha RAEOA-ZEESM TL, ho objetivu atu hanorin feto hirak ne’e oinsa bele aproveita Tais hodi bele produz fali produtu foun ho objetivu fa’an ba turista sira.

Treinamentu oras tolu ne’e lao ho susesu no grupu feto ne’e bele apriende no pratika uza mákina suku nian ne’ebé sira hetan husi Programa Oé-Cusse Business Incubator (OBI). Grupu Feto Fitun Fronteira hanesan grupu ida husi grupu sanolu ne’ebé manan kompetisaun “Ideias Competition”, organiza husi Programa OBI no grupu ne’e mos hetan apoiu ekonómika no téknika husi Sekretária Rejionál ba Turizmu Komunitária atu kontinua no hadia sira nia produtu nia kualidade.

Produsaun Tais  hanesan asaun prinsipál ida husi liña asaun prinsipál sira Sekretaria nian, tamba reprezenta elementu idéntiku povu Atoni nia kultura.

Iha Sábadu loron 7 fulan Julho ne’ebé mai, sei realiza treinamentu ba daruak iha Oé-Foko, Fonte Sagrada. Workshop ka sesaun traballu ida ne’e sei loke ba ema hotu ne’ebé iha interese atu aprende oinsá atu suku bele mai no partisipa treinamentu ida ne’e.

Foto: Irene Agud