28 Marsu 2018: RAEOA-ZEESM TL nakoke proposta husi kompañia ne’ebé tatoli dokumentu ne’ebé hato’o sira nia intere atu hala’o fiskalizasaun ba servisu hari’i no hadi’a estrada

28 Marsu 2018: RAEOA-ZEESM TL nakoke proposta husi kompañia ne’ebé tatoli dokumentu ne’ebé hato’o sira nia intere atu hala’o fiskalizasaun ba servisu hari’i no hadi’a estrada

Ohin 28 Marsu 2018, RAEOA – ZEESM TL nakoke proposta husi kompañia ne’ebé tatoli dokumentu ne’ebé hato’o sira nia intere atu hala’o fiskalizasaun ba servisu hari’i no hadi’a estrada nasional ne’ebé hahu iha Noefefan no ramata iha Oenuno. Dalan ne’e sei ramata iha klaletek ida iha Mota Oenuno.

Ho estensaun kilometru 13 dalan Noefefan-Oenuno sei hatan ba nesesidade husi komunidade ne’ebé hela iha zona tasi ibun iha Aosero, Tulaika, Tuin Molo, Fuin, Maquelab, Kabukpele no Bokon. Estada Noefefan-Oenuno fasilita transporte ema no sasan entre Suco Taiboco, Lifau no Suco Costa.

Kompañia internasional ne’ebé sai kandidatu atu hala’o fiskalizasaun ba estrada ne’e haktuir lala’ok pre-selesaun ne’ebé kleur no klean. Lala’ok ne’e envolve moos vizita ba terrenu lubuk no esplikasaun ba kompañias kona-ba servisu ne’ebé sira atu presta.

Ami fiar katak ho lala’ok ne’e, ne’ebé nakloke no transparente, ne’ebé la’o ho tulun husi especialistas internasional iha aprovisionamentu sei proteje interesse rejiaun nian no loke dalan ba rejiaun atu hili kompañia ne’ebé diak ho folin ne’ebé moos kompetitivu. Hateten Clementina Oliveira, responsável da servisu aprovisionamentu RAEOA – ZEESM TL.

Haktuir abertura husi proposta téknika, proposta hirak ne’e sei hetan avaliasaun husi painel multidixiplinas husi tekniku husi Diresaun Rejional Infraestrutura no Gabinete Técnico de Acompanhamento do Gabinete do Presidente da Autoridade.

Painel independente ne’ebé sei hala’o avaliasaun téknika sei hala’o ninia aprezentasaun kona-ba ninia rezultadu iha semnana balun nia laran no liu tiha ida ne’e aprovisionamentu sei bolu fali kompañia ho rezultadu di’ak hodi tuir lala’ok nakloke proposta financeira.

Relatóriu konjuntu final sei hato’o ba Presidente da Autoridade liu tiha servisu hatan ba duvida no reklamasaun husi participante hotu-hotu.