Abertura Loron Nasional Feto ba dala 44 Timor-Leste iha Rejiaun Oe-Cusse

Abertura Loron Nasional Feto ba dala 44 Timor-Leste iha Rejiaun Oe-Cusse

Oe-Cusse, loron sesta 08 fulan novembro 2019.

Presidente Interino RAEOA-ZEESM TL, Arsenio Paixão Bano. Ohin halo abertura ba selebrasaun loron Nasional ba Feto nian ba  dala 44 iha Oe-Cusse ho tema “Valoriza Feto nia Luta liu husi Kria Oportunidade hanesan Desenvolvimentu iha Setor Hotu-Hotu”. Iha eventu Ne’e Presidente Interino hetan akompanha husi Sekretaria Rejional Turismo Komunitario Sra. Inacia Teixeira, no Sekretario Rejional Administrasaun Sr. Françisco Marques.nomos konvidadus husi Konsuladu Indonesia – Timor-Leste iha Oe-Cusse Sra. Onny Silaban, Diretores Regionais, F-FDTL, PNTL no Feto Potensial Regional Oe-Cusse, ho participantes iha salau edifisio Diresaun Rekursu Humanu SERAO-St. Rosa.

Iha Presidente Autoridade Interino nia diskursu badak hato’o iha tempu abertura seremonia hateten katak ; kuaze 50 pursentu representante feto iha Regiaun Administrativa Espesial  Oe-Cusse Ambeno tuir statistika ne’ebe iha, tanba ne’e merese duni atu selebra loron importante refere hodi valorize feto nia luta liu husi cria oportunidade ba dezenvolvimento iha setor oi-oin”. Presidente mos hatutan katak “Kreatividade feto Oe-Cusse hanesan halo tais, selendang, te’in no seluk tan importante tebes ba dezenvolvimento tanba bele atrai ema husi fatin seluk bele mai visita Oe-Cusse. Ho buat sira ne’e hotu maka feto hatudu ninia luta ba desenvolvimentu”.