Agrikultor foun nain 20 adopta tekinika inovativu hodi hasa’e produtividade

Agrikultor foun nain 20 adopta tekinika inovativu hodi hasa’e produtividade


Motiva husi resultadu susesu teknika inovativu produsaun hare nebe implementa iha tinan kotuk iha Oé-cusse- wainhira resultadu hare neé atinji 136%, tamba neé ema atoni nain 20 deside ona hodi simu programa neé hodi hadia produsaun hare liu husi implementasaun sistema kuda inovativu iha sira nia natar. 

Entre fulan Februari no Maio 2019, agrikultor sei cultiva natar ha 7.92 iha regiaun neé tuir teknika avasadu neé. Fora husi total extensaun Ha 2.3 sei cultiva iha Citrana (Naktuka) sub regional Nitibe, no restu Ha 5.62, iha sub regional Pante Macassar ( Oemolo, Faot Pote, Barel, Petun, Betbanae Tuan, Betbanae Foun, Fatununi, Oekasi, no Kaktua Naek).

Ida neé faze planu ba dahuluk nebe Secretario Regional para Agricultura e Dezenvolvimentu Rural iha RAEOA – ZEESM TL implementa iha Oé-cusse ho objetivu hodi hasae produsaun lokal depois de resultadu nebe susesu iha tinan kotuk. Ba futuru sei kuda tan iha fulan Julú sei involve agrikultor barak liu tan.

Sistema Jajar Legowo (SJL) hanesan sistema kuda bazeia ba luan entre lina. Lina ida ho lina seluk 20 cm, no husi lina rua seluk ba fali lina rua seluk ho distansia 40 cm. iha lina laran ho distansia 10 cm. Iha kultivasaun, distansia sai ensensial tamba nia mak determina produtividade nebe atu atinji. Ho implementasaun projeto pilotu husi SJL iha tinan kotuk, RAEOA – ZEESM TL hasae resultadu produsaun 136% iha fatin rua. Susesu ida neé atinji liu husi teknika nebe korelasaun direta ho loron matan nebe hare oan bele foti fotosintesia ho diak, bee bele suli ho diak iha natar laran, hodi prevene moras no praga. No ikus liu mak bele jere hare oan ho diak.