Agrikultura – estudu

Agrikultura – estudu

Agrikultura sai fator importanti tebes ba ekonomia Rejiaun Oé-Cusse no ba ninia sidadaun sira balun. Tanba ne’e sai prioridade ba Autoridade RAEOA ZEESM TL haburas agrikultura. Maibé perguntas mosu hanesan: atu investi iha ne’ebe? Fó apoiu atu kuda saída? Ho meius saída? Produsaun saída mak bele hetan aseitasaun iha merkadu lokal, nasional ka internasional? Produsaun saída mak ezije investimentu maka’as? Será ke plantasaun ne’e mak sei halo familia sira hetan rendimentus diak liu tan? Apoiu no formasaun saída mak nesesáriu atu liu hosi agrikultura subzistensia ba produsaun ida ho kualidadi no kuantidadi bo’ot liu tan?

Atu hatan ba pergunta sira ne’e no buat seluk tan mak Secretaria Regional da Agricultura e Desenvolvimento Rural – RAEOA hamutuk ho ekipa UNDP iha terenu halo estudu ba asuntu ida ne’e, rona ema, koko teoria. Rezultadu ba estudu sai relatoriu “Análise das Cadeias de Valor Agrícola”, ne’ebe disponível ona ba se’e mak hakarak hatene liu tan kona ba asuntu ida ne’e.