12 December, 2017: Emprezariu sira husi Oé-Cusse kompete atu hetan apoiu tekniku no finansial

12 December, 2017: Emprezariu sira husi Oé-Cusse kompete atu hetan apoiu tekniku no finansial

12 December, 2017: Iha Segunda loron 11 to’o Tersa feira loron 12 fulan Dezembru, emprezariu/a 103 neébe reprezenta husi grupu planu negosiu 24 ne’ebe kompete iha kompetisaun ideia negosiu.

No negosiu inkubadora Oe-Cusse hanesan fatin / centro servisu hodi oferese ba emprezariu sira hotu bele asessu ba iha rekursus nesesariu ne’ebe sira presiza, no hola parte hotu iha Sekretaria Turismu Comunitario.

Husi Slogan / Moto “Oe-Cusse Promove Negosiu sira ne’ebe Inovativu” 24 grupu emprezariu (103 emprezariu/a – 65 Feto / 42 Mane) sira sei aprezenta sira nia ideia negosiu no hetan evalusaun husi Painel Juri. Painel Juri kompostu husi Sra. Inacia da Conçeicão Teixeira, Secretaria Regional Turismo Comunitario; Sr. Batista da Silva, Xefe Departamentu ba Informasaun no Promosaun husi IADE; Sr. Salvador Gomes, Derektur BNCTL iha Oe-cusse; no Sra. Maria Laura Fiorotto, Project Manajer ZEEMS-UNDP nian.

Partisipantes sira aprezenta sira nia ideia negosiu, no depois hetan pergunta no fo sugestaun ne’ebe konstruktivu husi Painel Juri sira. Grupu sira tenki hetan valor no sei hetan atu apoiu finansial no tekniku no grupu sira tenki hatudu kualidade husi aspektu hotu: Ideia ne’ebe inovativu, Eziste iha Merkadu, tenki iha Feto no foinsa’e sira nia partisipasaun, no mos sustentavel. No grupu sira tenki hetan valor ne’ebe minimu hodi pasa iha faze seleksaun ikus nian no sei hetan / simu ekipamentu no treinamenu tekniku atu hadia kualidade no dezeña sira nia produtu, moderniza, atu hasae sira nian eskala produsaun.