ESCLARECIMENTO PROJETO FERRY RO-RO “HAKSOLOK”

ESCLARECIMENTO PROJETO FERRY RO-RO “HAKSOLOK”

 

Haktuir lia-husu husi ita nia Uma fukun kona-ba lala’ok hari’i ro-ahi Ro-Ro “Haksolok”, Região Administrativa Especial de Oé-Cusse Ambeno (a “RAEOA”) e as Zonas Especiais de Economia Social de Mercado de Timor-Leste (as “ZEESM TL”) tuir prinsipiu boa governasaun no jestaun di’ak, transparente, haksolok atu hato’o informasaun kona-ba lala’ok ezekusaun ro-ahi “Haksolok”.

 

Importante duni klarifika ba públiku no distintos deputadus katak desizaun hodi sosa Ferry Ro-Ro “Haksolok”, desizaun atu hili ninia estaleiru (fatin atu hari’i ro) hahú no foti husi V Governo husi República Democrática de Timor-Leste, ne’ebé lidera husi Sua Exselénsia Kay Rala Xanana Gusmão nu’udar Primeiru Ministru, tuir ninia reprezentasaun husi Ministru Transporte no Komunikasaun Eng. Pedro Lay da Silva, ne’ebé asina no selebra kontratu ho Estaleiro Atlanticeagle Shipbuilding Lda. (Atlanticeagle”) iha loron 22 Setembro 2014.

 

RAEOA-ZEESM TL simu prosesu konstrusaun ró liu tiha transferénsia projetu no alokasaun orsamentu husi Governu RDTL ba Autoridade RAEOA-ZEESM TL, transferência poder no alokasaun verbas ne’ebé akontese liu tiha akordu entre Governu RDTL no Estaleiru Atlanticeagle no liu estaleiru hahu hari’i Ferry.

 

Hodi garante implementasaun tuir espesifikasaun no standard tékniku ba Ferry Ro-Ro “Haksolok” no moos assegura katak Ferry ne’e bele hetan rejistu internasional (Registo Internacional de Navios da Madeira em Portugal) tuir rekezisaun Governu RDTL, RAEOA-ZEESM TL hala’o kontratasaun ba supervizaun ba konstrusaun ferry ba Instituto de Soldadura e Qualidade ( “ISQ”), instituisaun ho esperiénsia liu tiha 50 anos ho konstrusaun ne’ebé hanesan no moos ho kredensial no renome internasionál atu fiscaliza konstrusaun ne’e.

 

Bainhira Governu RDTL transfere projetu mai RAEOA-ZEESM TL, RAEOA-ZEESM TL tane a’as kompromisu ne’ebé Governu RDTL hakotu ho estaleiru Atlanticeagle no assegura katak ró ne’ebé sei hari’i hela hari’i ho standard internasional hanesan hateten iha desizaun no akordu ne’ebé temi.

 

Kona-ba lala’ok konstrusaun no projetu Ró, kestaun judicial balun entre Estaleiru Atlanticeagle no ninia sub-empreiteiru, hami’is situasaun financeira estaleiru no ida ne’e rezulta iha atrazu konstrusaun ró, ne’ebé oras daudaun para hela iha Estaleiros do Mondego. Importante tebes realsa katak problemas ne’ebé oras daudaun iha mak problema ne’ebé Atlanticeagle enfrenta ho ninia subempreiteiro. Problema ne’e se’es husi RAEOA-ZEESM TL nia relasaun ho Atlanticeagle. Biar ne’e, RAEOA-ZEESM TL trasa planu no hala’o hakat balun hodi bele loke dalan hodi Timor-Leste bele simu Ferry Ro-Ro “Haksolok” no katak servisu bele hahú fila-fali hodi ró ne’e bele ramata lais no tuir standard no espesifikasaun ba konvensaun marítima internasional ne’ebé sei vigora hela.

 

Importante mo’os klarifika katak lala’ok dada ró sai ba fatin seluk ka, informasaun katak Estaleiro iha insolvência no katak ida ne’e mosu tan problema relasionamentu ho RAEOA-ZEESM TL ne’e laloos. Tan informasaun ne’e laloos publikasaun notisia ho lia-anin ne’e, durante período diskusaun no negosiasaun ho hanoin atu hetan utilizasaun politika sei iha ba diskusaun no sei bele hamosu impaktu a’as liu ba RDTL.

 

RAEOA-ZEESM TL nia hakat ida mak atu assegura reprezentasaun jurídica iha Portugal. Ne’e sei assegura reprezentasaun di’ak ba interesse RAEOA-ZEESM TL no Estado Timor-Leste, no moos fasilita lala’ok negosiausan ba solusaun hodi ramata hari’i Ferry lais liu hodi nia bele mai no serbi populasaun iha Timor-Leste.

 

Nu’udar hakat seluk atu fasilita resolusaun kestaun ne’e RAEOA-ZEESM TL sei ramata hela relatóriu inspesaun ba Ferry Ro-Ro “Haksolok”, inspesaun ne’ebé hala’o husi konsultor internasional independente hodi verifika fila-fila ezekusaun konstrusaun no tuir planu, relatóriu ne’e sei ramata iha primeira kinzena husi fulan Agostu nian.

 

RAEOA-ZEESM TL fiar nafatin katak projetu Ferry Ro-Ro “Haksolok” importante tebes ba populasaun, no mantein nafatin relasionamentu institusional diak ho Estaleiru hodi assegura katak servisu ne’e bele rama ho diak no iha tempu besik.

 

 

Gabinete Presidente Autoridade
RAEOA – ZEESM TL