Funsionáriu husi programa Oé-Cusse Business Incubator simu treinamentu konaba dezenvolvimentu negósiu ne ‘ ebé aprezenta husi ANGIN

Funsionáriu husi programa Oé-Cusse Business Incubator simu treinamentu konaba dezenvolvimentu  negósiu ne ‘ ebé aprezenta husi ANGIN

Iha semana ida ne’e, Sekretáriu Rejionál ba Turizmu Komunitáriu ne ‘ ebé iha RAEOA – ZEESM TL simu vizita hosi espesialista haat husi Angel Investment Network Indonesia (ANGIN) atu implementa esperiénsia troka koñesimentu ida ho espesialista programa OBI nian ho objetivu atu hetan área sira foun iha kolaborasaun no oportunidade hodi hadia.

Durante treinamentu loron rua, espesialista sira iha area emprezariu no inovasaun hosi SRTC partisipa iha atividade formasaun oin-oin iha dezenvolvimentu negósiu ne ‘ ebé foka ba hadi’a sira nia kapasidade atu aumenta impaktu no efikásia husi programa OBI. Grupu espesialista sira husi ANGIN mós iha tempu atu vizita grupu negósiu vensedora balun husi kompetisaun OBI 2017.

Nunee mos, treinamentu nee sei ajuda perparasaun ba OBI nia siklu daruak hodi apoio negosiu lokal sira iha 2019.

ANGIN mak rede investimentu dahuluk iha Indonesia no ninia atividade prinsipál mak atu harii ponte ida entre emprezáriu no potensiál investidór sira, ho objetivu atu promove ekosistema ida-ne ‘ ebé emprezariál no dezenvolve sistema negosiu sinergia.

Akordu dahuluk entre institusaun rua nee ho intensaun hodi sai hanesan pasu dahuluk ne ‘ ebé posivel ba kolaborasaun tempu-naruk nian entre Programa OBI ho ANGIN ne ‘ ebé sei kobre area prinsipal haat.: 1. kapasitasaun ba funsionáriu lokál; 2. formasaun konaba monitorizsaun husi empreza Indonézia ba emprezariu Timoroan sira; 3. implementa crowdfunding ida atu hadi’a asesu emprezáriu lokál hodi hetan fundu hosi setór privadu no diáspora timor-Leste; no 4. Apoiu komunikasaun atu hadi’a hodi hakbesik ba Programa Oé-Cusse Business Incubator.

.