Hasae produsaun kafé iha Oé-cusse

Hasae produsaun kafé iha Oé-cusse

Spesialista sei suporta agrikultor kuaze atus ida liu iha Oé-cusse hodi prepara plantasaun Kafé ba hektares 60.

 

Produsaun kafé iha Oé-cusse bele toó hektares 33 ho produtor besik uma kain 120 nebe mak produs hela. SRADR iha planu atu hadia produtividade kada kafe hun, nebe agora dadauk tun (0,4 kg) no habarak tan kafé hun kada hektar. Maske kafé fuan depende ba merkadu internasional no tamba neé maka fuklutuasaun presu neé laiha posibilidade atu kontrola produtor sira, ida neé hanesan opsaun diak ida hodi promove agrofloresta no hadia moris loro-loron iha area remotas iha foho Oé-cusse nian.

Iha sexta dia 9th de Novembru tuku 2:00 lorokraik, ekipa husi agrokomersiu, Secretaria Agrikulturea no Dezenvolvimentu Rural, ZEESM TL, kolabora ho Sr. Yohanis Ngongo, peskijador husi Institutu Teknologia Agrikultura Nusa Tenggara Timur nian, halo workshop ida ho agrikultor besik 50 hodi prepara kafé oan ba plantasaun foun.

Workshop neé foka liu ba tekniku transfrensia kafé oan no ai mahun ba kafé. Ho ida neé objetivu husi workshop ida neé hodi prepara produtor kafé sira nia konesementu no skil hodi kontinua expanda tan produsaun kafé iha rejiaun neé. Depois de workshop, agrikultor sira hodi specialista ba haree direita fatin kuda kafé no ai mahun oan, nebe diskuti mos gestaun, funsaun no nesesidade hodi haboót ai mahun sira ho diak, nomos hodi hatene variadade saida mak uza tiha ona.

Iha parte seluk workshop ida halo iha Laokfoan iha Kwarta dia 14th fulan Novembru iha tempu nebe hanesan ho koentuidu hanesan ho total agrikultor besik 50. Depois de workshop agrikultor lokal sira hodi specialista ba area produs kafé nian, nebe bele haree forma kafé atual sira nebe sei iha no ai mahun sira nebe kuda tiha ona. Signifika katak informasaun kona ba servisu balu nebe produtor sira halo ona neé sei fasilita disizaun nebe sei presija atu halo iha tempu besik.

Projeitu sei extende iha rejiaun seluk iha enclave, agrikultor sira nebe iha rai iha altitude 800 m sei bele kuda kafé arabika no sira nebe iha altitude 600-800 m sei uza kafé varidade robusta.