Irigasaun

Irigasaun

[English]

Hanesan resposta ba asesu ba bee, inseguransa ai-han no protesaun ambientál, ZEESM TL hahú ona atu hadi’ak sistema irigasaun.

Nia foku hahú iha basia idrográfika mota Tono nian ne’ebé mak hafahe rejiaun Oé-cusse. Mota Tono ne’e no nia mota-sorun no mota-ulun sira tuur iha área ida hosi fronteira Indonézia nian to’o iha tasi-ibun. Ida-ne’e mak basia idrográfika luan liu hotu iha rejiaun ne’e, fasil liu atu haree iha mapa sira duké kapitál rejionál, ho kobertura ba área liu 800km². La hanesan ho mota boot daruak iha Oé-cusse, basia mota Noel Besi, maioria hosi basia idrográfika mota Tono ne’e mak tuur iha territóriu Timor-Leste. Razaun rua-hotu ne’e signifika katak nia sai foku óbviu ba dezenvolvimentu kontroladu, sustentavel no sensivel ba ambiente.

Maske Oé-Cusse mak koñesidu tanba nia bee barak loos, durante bailoro volume udan nian bele menus hanesan milímetru ida-de’it nune’e irigasaun, asesu ba fornesimentu bee no protesaun ba mekanizmu rekarga bee ne’ebé iha ona sai vitál tebes. Aumentu ba fornesimentu bee konfiavel iha kanál sira sei hasa’e seguransa ai-han nian. Asesu di’ak liután ba bee sei mós hamenus nesesidade ba traballu ne’ebé hakole populasaun. Loron ida-ida to’os ka natar-na’in sira iha rejiaun ne’e bele han oras 4 hodi kuru no lalin bee ba sira-nia umakain, balada sira no atividade ortikultura.

Irigasaun ne’e mós halo iha Pante Makassar no protesaun mekanizmu rekarga bee ne’e hela hanesan parte importante hosi ZEESM TL nia objetivu sira ho relasaun ba agrikultura nomós ba ambiente.

Iha ona instalasaun sistema kanál irigasaun 23 km no rede bee 45 km. Kanál prinsipál iha parte lorosa’e iha naruk 2.37 km no kanál daruak iha sorin ne’e iha naruk 3.267 km, ho totál 5.637 km. Kanál prinsipál iha parte loromonu iha naruk 0.547 km no nia kanál daruak iha naruk 17.139 km, ho totál 17.686 km.

Rede distribuisaun sei halo daudauk ne’e. Enkuandu tanke no rezervatóriu foun sira mak kompleta, sira mak ligadu kedas ho rede kanalizasaun, ho parte foun hodi troka-fali parte tuan no la uza tan ona. Iha estimativa katak família liu 1.000 sei hetan benefísiu hosi melloramentu hirak-ne’e.