LANSAMENTU BROSURA TURIZMU TOLU

LANSAMENTU BROSURA TURIZMU TOLU

Hafoin fulan balun servisu hamutuk ho komunidade Oé-Foko, Oé-Silo no Pante Makassar, ami ho haksolok partilla ho imi brosura dahuluk turizmu Oé-Cusse nian ne’ebé elabora husi Sekretaria Rejionál ba Turizmu Komunitáriu iha RAEOA-ZEESM TL!

Hahú husi brosura ba hiking ka la’o sae foho nian ne’ebé inklui dalan lima ho nível moderadu hodi diskobre rejiaun husi fatin a’as, to’o matadalan jenériku ida ho buat hirak ne’ebé atu halo no haré iha Oé-Cusse, vizitante sira sei hetan iha brosura turizmu tolu ne’e informasaun klean kona-bá Oé-Cusse hodi aproveita didiak oportunidade sira ne’ebé rejiaun oferese.

Riku soin patrimóniu kulturál no istóriku Oé-Cusse nian, hamutuk ho ninia riku soin ho paizajén naturál, mak hanesan pilár prinsipál matadalan ida ne’e nian. Vizitante sira mos bele hetan informasaun kona-bá gastronomia povu Atoni nian no kontaktu produtór artezanatu lokál sira.

No mos, tamba mapa Oé-Cusse nian, visitante sira sei bele akompaña istória no esplora fatin importante sira iha Pante Makassar.

 

#VisitOecusse #TravelEnjoyRespect

 

Things to do and see in Oé-Cusse

 

Hiking Brochure

 

Oé-Cusse Map