Oé-Cusse nu’udar Rejiaun

Istorikamente ema Oé-Cusse sira halo interasaun ho ema fila-liman hosi rai-li’ur ne’ebé mai foti ka lori sasán no hein atu hakotu sira-nia fila-liman ka ba anin atu fila.

Atu hanesan ho Rai-Kotun Timor tomak, indikasaun ki’ikoan sira mak namkari hela iha enklave laran tomak. Área ida besik Lifau ne’ebé ema barak hatene ho naran Bee-Lihun Xina, mak fatin tuir lisan ne’ebé fó liuhosi ema Oé-Cusse ba ema fila-liman hosi Xina atu hapara sira-nia ró. Referénsia hakerek sedu Xina nian kona-ba Rai-Kotun Timor mak iha hela hosi sékulu 13. Atividade fila-liman internasionál estabelesidu mak formalizada ho xegada ema Portugál sira-nian iha Lifau iha tinan 1515, bainhira Lifau rasik sai kapitál Portugál nian iha ne’ebá. Naran Lifau rasik mai hosi liafuan Lean Faun, katak ema rai-li’ur.

ZEESM TL mak tuir nafatin tradisaun Timor-Leste nian atu fahe ami-nia eransa bainhira fila-liman ho parseiru internasionál sira.

Kompañia estranjeiru barak ho empregadu no dependente sira hosi rain sira inklui Brazil, Irlandia, Amérika, Portugál, Xina no Indonézia serbisu hela daudaun iha Oé-Cusse no lian sira ho diversidade hosi Tetun, Inglés, Mandarin, Lais Meto (Baikenu), Portugués no Indonézia, sai parte baibain ba ami-nia ambiente serbisu. Ita-boot bele lee ami-nia seksaun informativu kona-ba Migrasaun tama no sai hosi Oé-Cusse.

Ho nia fatin úniku entre sentru komersiál iha Kupang, iha provínsia Indonézia Nusa Tenggara Timor, no Timor-Leste nia kapitál Dili, ho tasi iha sorin ida no rai iha nia kotuk hodi hateke ba li’ur, ZEESM TL mak haree hela daudaun buat ne’ebé ema Oé-Cusse haree beibeik, oportunidade iha tradisaun.