Serbisu & Moris Oé-Cusse

Serbisu & Moris Oé-Cusse

Oé-Cusse iha fatin lulik barak, bee-lihun ne’ebé subar, fatin ai-laran atu la’o ain no tasi-ibun barak loos. Área rurál sira mak buras ho métodu harii uma no suru-tais tradisionál. Sasán ne’ebé halo ho liman no fiar ne’ebé tun hosi bei’ala sira mak homan sai parte ba moris fíziku no espirituál ba ema rai-na’in Oé-Cusse sira. Kahur-malu ho buat hirak hotu ne’e mak fiar-malu maka’as entre ema ne’ebé hela iha-ne’e kata, hamutuk ho ami-nia taxa kriminalidade menus, sei nakfila atu fó esperiénsia relaxadu, hakmatek no kalma ba bainaka sira. ZEESM iha konxiénsia boot kona-ba prezente hirak-ne’e no hakarak kria sirkunstánsia sira ne’ebé sai nesesáriu atu fahe buat hirak-ne’e ho ema seluk.

Sosiedade

Hanesan ema hotu-hotu ne’ebé vizita tiha ona bele haree kedas, Oé-Cusse iha ambiente seguru no estatístika sira suporta ida-ne’e ho taxa kriminalidade menus. Konfiansa sosiál mak harii hela hosi fundasaun família kle’an no protesaun ne’e mak fó baibain ba bainaka sira. Eventu komunál sira hanesan festival no liturjia, rua-hotu Katólika no tuir lisan, hetan partisipasaun hosi ema barak. Parseiru internasionál sira nota tiha ona katak bainhira husu esforsu komunál ba projetu konstrusaun sira komunidade sira partisipa maka’as, no hadi’a estrada rurál sira lalais bainhira presiza.

Hola Merkadoria

Oé-Cusse tuur hela iha klaran entre sentru komersiál balu no ZEESM halo ona esforsu atu aumenta asesu no ligasaun entre sentru hirak-ne’e. Sistema ró-pasajeiru, aeroportu, estrada no lisensiamentu signifika katak atu tula sasán entre Kupang, Dili no Pante Makassar sai fasil liu badadaun ne’e.

Atrasaun

Atrasaun barak hanesan Fonte Sagrada, fatin ida koñesidu tanba nia fatin bee-tudak, erupsaun tahu, iha-ne’ebé jeotérmiku sai iha fatin hanesan fulan nia superfísie, pousada Portugál nian ne’ebé tuur iha fatin aas hodi hateke tun ba Pante Makassar no parte barak iha rejiaun laran, no Lifau, kapitál ulukliu Timor-Leste nian durante tempu liu tinan 200.

Klima

Oé-Cusse iha klima tropical, ho bailoron naruk no rai-udan badak.

Karik Ita-boot iha informasaun ka pergunta kona-ba oinsá atu halo atividade komersiál sira iha Oé-Cusse? Fó-hatene mai ami no ami bele fó resposta iha-ne’e atu fó tulun mós ba ema sira-seluk.