Prezidente Autoridade RAEOA – ZEESM TL, Dr. Mari Alkatiri, inaugura lima Projetus ba Agrikultura iha Zona Nitibe

Prezidente Autoridade RAEOA – ZEESM TL, Dr. Mari Alkatiri,  inaugura lima Projetus ba Agrikultura iha Zona Nitibe

Iha loron Sexta 10 fulan Agostu 2018, Prezidente Autoridade RAEOA – ZEESM TL, Dr. Mari Alkatiri, halo inagurasaun Projetus ba Agrikultura iha Zona Nitibe, iha Sub-rejiaun Nitibe, rejiaun Oé-Cusse Ambeno.

 

Inagurasaun ba projetus maka hanesan, Projetu kanalizasaun Be’e ba Hortikultura, Boni-Boaknana, suco Beneufe-Nitibe, Projetu Konstrusaun ba Embung Nunuana Nitibe, Projetu Konsturasun ba Edifisiu Agrikultura no Dezenvolvimentu Rural Zona Nitibe, Projetu Konstrusan ba Uma Staff Agrikultura nomos Projetu Konstrusaun uma ba Xefi Servisu Agrikultura no Dezenvolvimentu Rural nian iha zona Nitibe. Inagurasaun ba projetus lima (5) ne’e liu husi Implementasaun OGE 2017 nian ba zona Nitibe.

Iha Diskursu badak husi, Prezidente Autoridade Dr. Mari Alkatiri hatete: atu Inagur projetus hirak ne’e, liga ba atividades agrikultu ho hakiak animal sira. Iha 2016 Autoridade komesa tau ona osan atu hala’o atividades sira ne’e iha tinan 2017. Tanba husi 2015 to’o 2016, konsentra ba precupasaun barak ba projetus bot sira iha Pante-Makassar laran. Maibe hahu iha tinan 2017, atividades barak mak konsentra ona iha Sub-rejiuan nia laran tomak to’o mai tinan 2018.

Atu haklaken deit, katak ZEESM TL ne’e Programa bot ida. Hahu husi Edukasaun, Saude, Turismu, Agrikultura nomos buat hotu. Programa bot ida atu kobre no loke  atividades hot-hotu Territoriu ne’e. maibe ZEESM TL laos Projetu nebe’e maka hanesan ema barak kolia ne’e.

Nune’e duni, S. Exia. Dr. Mari Alkatiri hateten, bele garantia ba povo Oé-Cusse katak Dezenvolvimentu Oé-Cusse sei la’o nafatin ba oin, hodi nune’e Oé-Cusse bele sai referensia ba Timor-Leste Tomak atu aban bainrua bele fo exemplu diak ba rai bot sira atu banati tuir. Dr. Alkatiri mos husu ba Xefi Sucus sira hotu atu bele service hamutuk ho autoridade atu nune’e bele mobiliza povo Atoni sira hodi hare prosesu Dezenvolvimentu iha rai Oé-Cusse.