Prezidente Interinu mos espera katak CJREO sai parseiru ba selebrasaun loron komemorativu signifikativu tebes ba Nasaun no Regiaun

Prezidente Interinu mos espera katak CJREO sai parseiru ba selebrasaun loron komemorativu signifikativu tebes ba Nasaun no Regiaun

Prezidente Interinu da Autoridade da RAEOA – ZEESM TL, S.E. Arsenio Bano simu iha kinta-feira (8) dader, Conselho da Juventude da Região Especial de Oé-Cusse (CJREO), estrutura ne’ebe hola parti iha Conselho Nacional de Juventude de Timor-Leste.

Aléin atu fo kumprimentus ba Autoridade, sorumtuk ida ne’e mos defini estratéjia komum ba área juventude sira. Prezidente Interinu husu ba CJREO atu prepara planu anual ida ho atividadi sira liu selebrasaun loron espesiais, atu fo okupasaun lo-los ba joven sira iha sira nia tempu livre ho atividades oin-oin hodi haburas sira nia kapasidade sosial, sívika no umanas, liu hosi desportu, teatru, kultura, artis, animasaun, sidadania no solidariedadi.

Sr. Arsenio Bano mos husu CRJEO hodi estabelesi komunikasaun frekuente ida ho Secretaria Regional de Turismo Comunitário, Xefi Suku no lideransa komunitária sira seluk, tanba importanti liu aumenta opsóins ba foinsae sira ne’ebe hela liu Pante Makassar (foho laran) hodi bele mai partisipa iha atividadi sira ne’e.

Prezidente Interinu mos espera katak CJREO sai parseiru ba selebrasaun loron komemorativu signifikativu tebes ba Nasaun no Regiaun.

S.E. Arsenio Bano halo dezafiu ba joven sira atu sai kriativu no inovador hasoru proposta ba selebrasaun loron 20 no 30 Agostu ho momentu ba festa, refleksaun, diskursu no omenajéin ne’ebe kontribui atu hametin valor no istória Timor-Leste nian ba foinsae sira.