Reprezentante sira husi Suku 18, setór privadu no sosiedade sivíl partisipa iha konsulta públika ba elaborasaun Planu Estratéjiku Rejionál ba Oé-Cusse ba tinan lima (5) oin mai (2019 – 2023)

Reprezentante sira husi Suku 18, setór privadu no sosiedade sivíl partisipa iha konsulta públika ba elaborasaun Planu Estratéjiku Rejionál ba Oé-Cusse ba tinan lima (5) oin mai (2019 – 2023)

Reprezentante 364 husi Konsellu Suku, Xefi Suku 18, ONG sira no setór privadu partisipa iha konsulta públika ba elaborasaun Planu Estratéjiku Rejionál ba Oé-Cusse ba tinan lima (5) oin mai (2019 – 2023)

 

Husi loron 19 to’o 26 Outubru 2018, Gabinete Prezidente RAEOA – ZEESM TL, ho apoiu husi UNDP ka PNUD Timor-Leste, realiza konsulta públika ho Suku 18 iha rejiaun Oé-Cusse. Iha loron ne’en (6) nia laran, péritu sira servisu hamutuk ho líder lokál sira atu hanoin hamutuk problema sira iha rejiaun. Informasaun sira ne’ebé rekolla ona sei inklui iha Planu Estratéjiku Rejionál ba Oé-Cusse ba tinan lima (5) ne’ebé mai (2019 – 2023).

Kuaze ema nain 60 mak involve iha konsulta públika iha sub-rejiaun ida-idak, hodi tulun atu identifika problema no solusaun ba dezenvolvimentu ba sira nia Suku no Rejiaun.

Liu husi konsulta públika ida ne’e, autoridade rejionál hakarak atu ema hotu bele partisipa iha prosesu planeamentu, no foti informasaun kona-bá kestaun dezenvolvimentu ba setór ida-idak. Autoridade Rejionál fiar katak importante tebes atu ema hotu-hotu tama iha prosesu planeamentu, atu nune’e bele iha vizaun ne’ebé hanesan ba rejiaun no atu bele halo planu ho efetivu.

Tuir mai, sei elabora dokumentu esbosu ba Planu Estratéjiku Rejionál ba Oé-Cusse no versaun final husi dokumentu refere sei aprezenta ba komunidade sira iha Dezembru 2018.