Saúde

Saúde

Ekonomia sira nu’udar serbisu ema sira-nian nune’e sistema saúde justu no asesivel sai buat ida vitál ba kualkér kresimentu.

Health Centers in Oé-Cusse, Timor-Leste. Credit: Rui Da Silva Pinto

Iha pasadu Oé-Cusse mak la ekipadu didi’ak ho fasilidade saúde sira. Asuntu sira hanesan estrada aat sira ne’ebé taka dalan ba transporte fasil ba ai-moruk sensivel ba temperatura, padraun moris menus liu ne’ebé la atria pesoál kualifikadu no falta rekursu sira mak haree hanesan problema ne’ebé labele ultrapassa.

ZEESM TL iha fiar katak ema hotu-hotu tenke iha asesu ba kuidadu saúde báziku no katak asuntu sira ne’ebé prevene ida-ne’e tenke rezolve tuir maneira ne’ebé hateke ba tempu naruk.

Hanesan ho Timor-Leste tomak, kuidadu-saúde iha Oé-Cusse mak gratuitu, maibé ida-ne’e sei labele hametin prestasaun servisu kuidadu saúde anaunserke ema baibain sira bele hetan asesu fíziku ba klínika sira-ne’ebé ekipadu didi’ak ho rua-hotu ekipamentu no pesoál komprometidu sira. Asuntu saúde sira ne’ebé hasoru populasaun sira mak báziku no urjente, hanesan malnutrisaun.

Sekretária Saúde, Lusia Taeki, mak superviziona rede sentru saúde sira. Ospitál prinsipál mak iha Pante-Makassar, sentru saúde komunitáriu haat bazeia iha Oesilo, Baqui, Passabe no Baocnana no postu saúde sanulu-resin-hitu liután. Kliníka foun ida sei harii hela iha Pante-Makassar.

Ospitál ne’e mak bazeia iha Pante-Makassar no iha seksaun emerjénsia, sirurjia, tilun no radiografia nomós laboratóriu ida.

Dadus

Lahó dadus konkretu, ita labele tenta atu la’o bá oin no labele analiza rezultadu sira. Falta dadus loos no oportunu hela hanesan problema beibeik iha Timor-Leste tomak nia laran. Tanba razaun ida-ne’e, ZEESM TL no Autoridade Saúde investe tiha ona US $18,000 iha tinan 2016 hodi hala’o levantamentu ba família hotu-hotu iha Oé-Cusse atu hatene asuntu saúde ne’ebé sira hasoru daudaun ne’e. Montante US $7,000 liután mak investe tiha ona iha tinan 2017 atu kontinua serbisu ne’e. ZEESM TL mós halo parseria ho Programa Nasoens Unidas nian ba Dezenvolvimentu (PNUD) atu hala’o projetu dadus ne’ebé iha objetivu atu kaptura detalle loron-loron nian ho maneira efisiente liután iha formatu ne’ebé peskizável. Iha pontu foku lima: ospitál iha Pante-Makassar, no sentru saúde komunitáriu haat bazeia iha Oesilo, Baqui, Passabe no Baocnana. Sentur lima ne’e iha ligasaun ho postu saúde 17 ne’ebé hatama dadus ba fali sentru sira atu prosesu no hatama ba bazedadus sentrál, ne’ebé hanaran hela DHIS2.

Asesu Rurál

Maioria rejiaun Oé-Cusse mak rurál. Atu halakon permanente falta asesu ba atensaun médiku oportunu, ZEESM TL halo foku atu habelar servisu saúde sira liuhosi hatama peritu lokál sira iha klínika lokál sira. Halo tuir relatóriu ida liuhosi Banku Mundiál, to’o iha 85% hosi umakain sira uza ona fasilidade saúde hirak-ne’e.

Formasaun

Bainhira de’it bele ZEESM TL iha orientasaun ba empregu lokál, ho foku maka’as ba empregadu feto sria. Iha ospitál nia seksaun emerjénsia iha doutór na’in ualu, maioria feto, iha ema lubuk ne’ebé serbisu nu’udar doutór iha ospitál jerál, doutór na’in sanulu hotu mai hosi Timor-Leste, ho ema na’in tolu Oé-Cusse. Enfermeira na’in 26 hotu mak Timóroan sira, hosi jéneru rua-hotu. Parteira na’in 13 hotu mak Timóroan sira. Ami sara kikir ba ita-nia sirurjiaun, ita-nia doutór tilun no ita-nia tékniku anestezia ne’ebé halo viajen hosi Kuba hodi tulun ita. Tékniku anestezia ne’e sei tulun ami atu halo formasaun ba Timóroan na’in-rua, rua-hotu hosi Oé-Cusse, ho relasaun ba nia konjuntu kompeténsia sira, no doutór tilun nian ne’e sei halo formasaun ba enfermeira na’in rua.

Iha notísia sira-seluk doutór Timóroan na’in rua, feto ida no mane ida, rua-hotu ema Oé-Cusse, foin selesiona iha fulan Juñu 2017 atu kompleta formasaun no estudu liután atu bele sai kardiolojista sira.