“Taking Over Certificate” Aeroporto Internacional Oé-Cusse Ambeno “Rota do Sândalo”

“Taking Over Certificate” Aeroporto Internacional Oé-Cusse Ambeno “Rota do Sândalo”

Sua Exelensia Presidente Autoridade RAEOA-ZEESM TL, Dr. Mari Bim Amude Alkatiri, asina dokumentu simu provizóriu obra husi Aeroporto Internacional de Oé-Cusse Ambeno “Rota de Sândola”. “Taking over certificate” ninian lala’ok kontratual ne’ebé hakat ona ba fase importante ida iha dezenvolvimentu Rejiaun Administrativa Espesial Oé-Cusse Ambeno nomos hametin ona vizaun integrada ne’ebé maka ZEESM TL hato’o liu husi ninia programa pilotu iha Enklave Oé-Cusse.

Oras ne’e daudaun, Obra ne’e remata ona, no Obra ne’e nia folin mak $119.940.058,87 no hari’i durante fulan Hat Nulu Resin Tolu (43).

Aeroportu internasional Oé-Cusse Ambeno ne’e iha alem de infraestrutura, ekipamentu kompletu hodi hetan sertifikasaun hodi nune’e bele hala’o operasaun Onternasional no la se’es husi matadalan ne’ebe banati tuir husi OACI (ICAO) no IATA kona-ba segurança, nomos nível konfortu no seguridade ba pasajeiru. Infraestrutura ne’e prontu ona atu simu aviaun bo’ot Airbus A320 ka Boeing B737-800 dader no kalan.

Aeroportu internasional Oé-Cusse iha mos fasilidade hanesan halo prosesamentu karga nomos balada sira no inklui fatin ba servisu karentena hodi hametin no haburas importânsia enklave nian iha Illa Timor.

Aeroporto Internasional ho pista nia naruk mak 2,200 metru no largura 45 metru no kapasidade atu simu aviaun hitu (7) hamutuk no kapasidade atu simu pasajeiru 500 loron ida (ne’ebé semo mai no ne’ebé semo ba), Aeroportu Internasional ne’e mos ekipadu ho sistema automatiku ba fornesimentu enerjia emerjénsia nian, ekipamentu hodi satan edifisiu husi ahi, ekipamentu modernu atu fasilita komunikasaun no apoiu ba aviaun, sistema automátiku hodi hato’o dadu metereolójiku no torre kontrol modernu ho material tomak maka nesesária ba aeroportu internasional ida ne’e.

Infraestrutura ne’e sei fo benefisia tomak ba sidadaun Timor Oan, infraestrutura ne’e loke dalan no fasilita ema barak liu tan atu vizita Oe-Cusse hodi nune’e bele haburas Turismu, no hamosu oportunidades ba negósiu atu nune’e sei fó benefisiu ba dezenvolvimentu Timor-Leste.

Remata