Teknika foun bele hasae produsaun haree iha Oé-cusse ho persentagen 50%.

Teknika foun bele hasae produsaun haree iha Oé-cusse ho persentagen 50%.

Spesialista haree husi Indonezia visita agrikultor sira iha Oé-cusse hodi fahe Metodologia foun ne’be bele hasae produtividade produsaun lokal nian. Iha estudante besik 50 husi ETARO, eskola nebe mak hanesan parte ka parseiru ba implementasaun pilotu dahuluk iha Lifao.

 

Iha loron 13th Julú Sr. Tony Basuki, visita Oé-cusse hodi suporta Secretario Regional Agrikultura ba preparasaun best practice ka matadalan ba produsaun haree no hodi implementa Metodologia foun atu hadia produsaun haree iha regian refere. Agenda hahu kedas enkontru ho Sr. Tony Basuki no SRADR, Sua Ex. Regio Da Cruz, Direitor Regional Sr. Sirilo do Remidios Baba no espesialista suco, Departementu Agrokomersiu no UNDP.

Produsaun haree hanesan save ida ba Oé-cusse, neé laos tamba deit 88% kada uma kain sira kuda haree maibe tamba ida neé afeita diretamente ba seguransa aliamentar iha regiaun neé. Haree neébe lakon molok no depois koileta aas tebes. Peste no moras afeita produsaun haree bele liu husi 20%. SRADR agora servisu hamutuk ho grupu produser 40 liu, atu introdus teknikú foun hodi hasae produsaun.   

Hanesan planu atividades visita husi Sr. Tony Basuki, iha sabado kotuk 14th Julú, ekipa ho natar nain ka produser, sira implementa ona kuda haree pilotu iha area ho medida (1/4 ha) uza teknikú foun hanesan LEGOWO 2:1 nebe agrikultor sira sei bele halo tuir hodi hasae produtividade toó 50%, liu husi kuda lina ho distancia 20cm entre lina no 10cm iha lina laran atu nuneé bele hetan loron matan barak liu tan. Pilotu neé hanesan atividade esperementu ida atu demostra impaktu ba introdusaun teknikú inovativu ba agrikultor lokal sira. informasaun adisional mak, ekipa konsidera katak introdusaun fini foun nebe sertifika ona bele dudu produtividade sa’e to’o tonelada 8 kada ha.

Ba pilotu kuda haree nian estudante besik 50 husi ETARO iha Oé-cusse partisipa no estuda ona teknikú inovativu neé.