10 Novembru, 2017: Estudante nain 65 husi Universidade Nasional Timor too iha Oecusse hodi estagio Fulan ida

10 Novembru, 2017: Estudante nain 65 husi Universidade Nasional Timor too iha Oecusse hodi estagio Fulan ida

Estudante finalista husi faculdade ekonomia i jestaun, sei engtagiu iha Secretaria Regional para o Turismu Comunitario hodi aprende konaba turismo comunitari.

Sexta semana kotu, Secretaria Regional para o Turismo Comunitario, Excia. Inacia Teixeira, offisialmente simu estudante 65 husi Universidade Nacional Timor Lorosa’e (UNTL), nebee mai iha Oecusse hodi aprende no mos sei tulun Secretaria Regional Para Turismo Comunitario iha secretariadu durante fulan ida.

Estagiadu, estudante finalista husi Fakuldade Ekonomia, Jestaun no Turismu (UNTL), Dili, sei destaka ba departementus hotu iha Secretariadu Turismo Comunitario, hodi praktika materia nebee mak durante sira aprende ou estuda iha universidade. Programa nee nudar preimeira ves ba estajiadu husi UNTL ho SRTC ZEESM TL kolabora hamutuk hodi servisu peskiza ou colecta dadus iha suco 4 (Nipane, Costa, Naimeco, Taiboco) husi total suco sanulu resin ualu iha Oecusse.

Sra. Inacia Teixeira hatete mos katak, iha vantagen hodi haree opportunidade hodi kapasita sira atu aprende konaba oinsa atu Gere no planu turismo comunitario iha área rural, no sira nia matenek, sei tulun sira atu desenvolve turismo comunitarioa iha fatin seluk Timor leste nian.”.  Sr. Fernando Baptista Anuno, Decanu Faculdade Ecokonomia no Jestaun – UNTL, aseita ho Secretaria Regional para o Turismo Comunitario katak estagiu ida nee sei benefisia no nudar mos oportunidade ba studante sira iha future.

Agustianus Brandao ho idade 25 Anos, estudante turismo husi munisipio Ainaro, agradese ba oportunidade ida nee no nia hatete; “nudar previlegiu mai ami hodi servisu iha fatin ida nee, tan Oecusse iha fase desenvolvimentu, ho nunee ita bele aprende hahuu husi zero, no iha parte seluk ami bele fahe mos konhesimentu no esperiensia husi munisipiu seluk ba mos Oecusse”.

Programa ida nee realiza tan iha kooperasaun entre Universidade Nacional Timor Lorosa’e ho Secretaria Regional para o Turismo Comunitario, nebee ofisialmente estudante sei hahuu visita ba sira ida-idak nia fatin estagiadu hahuu ohin iha dia 13 de Novembro 2017.